Igualdade Dixital, a nova plataforma para reducir a fenda dixital nas persoas maiores

Igualdade Dixital é a resposta de Afundación á nova fenda dixital: un programa que combina formación presencial, acompañamento personalizado e unha plataforma online gratuíta que permite aprender desde o nivel máis básico ata contidos máis avanzados, con vídeos, contidos interactivos e exercicios prácticos.

O noso obxectivo é contribuír á igualdade de oportunidades no acceso á tecnoloxía e dar resposta, ao mesmo tempo, á fenda competencial e á de acceso, promovendo entre as persoas maiores un uso autónomo da tecnoloxía, con seguridade e confianza.

Con esta plataforma lanzamos unha oferta de contidos gratuítos, abertos á cidadanía, adaptados ao novo perfil maioritario de persoas maiores dixitalizadas, que xa teñen acceso a internet e correo electrónico.

Accede á oferta de cursos online na plataforma Igualdade Dixital en: https://aulavirtual.afundacion.org/igualdad-digital/

• Recursos interactivos con explicacións sinxelas, vídeos de apoio e exercicios prácticos.
• Contido centrado en utilidades prácticas.
• Desde nivel básico ata avanzado, desde «Comeza desde cero» ata «Intelixencia artificial».
• Contidos dispoñibles para Android e iOS.
• Acceso sinxelo mediante rexistro con correo electrónico.
• Accesible para persoas que desexen formarse de maneira autónoma.
• Para mentores dixitais que queiran empregar estes recursos para formar persoas maiores do seu contorno familiar.
• Dispoñible como recurso formativo para entidades que traballan na formación de persoas maiores.

Cursos presenciais de Igualdade Dixital 

Para todas aquelas persoas que necesitan un apoio presencial, lanzamos unha oferta de 83 cursos presenciais e gratuítos abertos á cidadanía nos Espazos +60 de Afundación en toda Galicia en abril e maio. 

Esta oferta ten continuidade durante todo o ano para os socios do Espazo +60 Afundación, pero agora calquera persoa maior ten a oportunidade de participar gratuitamente sen necesidade de facerse socia.

Inscríbete no formulario: https://forms.gle/iRR9vZVrfyXghDuR6

Aprende, conéctate e gaña confianza no mundo dixital.

Porque nunca é tarde para avanzar!