Obra de teatro MEJOR NO DECIRLO, en Vigo

Imanol Arias e María Barranco, dous dos artistas máis aclamados da escena nacional, protagonizan a obra de teatro Mejor no decirlo, de Salomé Lelouch, baixo a dirección de Claudio Tolcachir e a produción xeral de Pablo Kompel o 16 de abril de 2026 en Vigo, no Teatro Afundación.

 

A Tempada de Abonos Afundación de Vigo ofrece unha selección das mellores montaxes teatrais da escena española. Podes optar por adquirir o abono completo, que che permitirá gozar de todas as representacións a un prezo reducido, ou por mercar entradas individuais.

 

Nesta peza, o público poderá ver como un matrimonio que leva moitos anos xuntos e cuxa fórmula secreta para durar tanto tempo é falar cando hai que falar e calar cando toca, deciden por unha vez na vida falalo todo. Mejor no decirlo é unha comedia estimulante na que todo o mundo poderá verse reflectido. Esta obra é unha provocación absoluta e enxeñosa na que se explora a comunicación, os lugares comúns e o humor, e na que, en palabras do director «cada un saberá se finalmente era mellor ou non dicir as cousas».

 

Baixo a batuta de Claudio Tolcachir, cuxas obras se representaron en máis de vinte países e se traduciron a seis idiomas, poderás explorar os recunchos máis íntimos e universais da convivencia en parella, nunha noite de teatro que promete emocionar, facer reflexionar e, sobre todo, arrincar máis dunha gargallada ao público.

 

Esta tempada formamos parte do programa solidario Cultura por Alimentos. Convidámoste a colaborar traendo produtos non perecedoiros ás funcións, que poderás depositar na entrada do teatro para a súa doazón aos bancos de alimentos locais. A túa ilusión compartida móvenos!

 

Non te perdas nada da nosa programación consultando a axenda e o PDF que figura a continuación. E para máis espectáculos, agardámoste en Ataquilla.com.