Lejanías

Comentarios

Esta obra de Antonio Quesada, paisaxista de raíz intelectual, presenta un espazo máxico de sentimentos e sensacións.

A visión abstracta dunha paisaxe de pincelada solta e lixeira, chea de veladuras e transparencias que se organiza en ritmos ondulantes e envolventes, que esvaecen un territorio a través dun equilibrado xogo de tonalidades. Cores suaves como o gris, o rosado e o azulado con toques de vermello, amarelo e verde, para crear un espazo que se confunde cun ir e vir de luces e sombras. O vento parece que azouta o lenzo, arrasa un lugar de construcións fantásticas e deixa só estable un horizonte onde un amencer cuberto esperta un novo día.